الشاب بعد تخرجه مفيش شغل وكأنك يابو زيد ماغزيت ولو اشتغل يدوب هيقبض علي قد مصاريفه الشخصية وميقدرش يفتح بيت لأسرة كاملة وعشان كدة بيضطر يتجوز عرفي أو يعمل زي معظم الشباب ويتجوز اما مطلقة أو أرملة لعجزه عن فتح بيت له ولأسرته فيقول بعض الشباب ان زواج الشباب من فتيات صغيرات مكلف جدا ولذلك نفضل الزواج من المطلقات أو الأرامل وليس فيه اية حرمانية ولذلك هل الزواج الذي ننتظره كلنا لنفرح بالأبناء والبنات لم نعد نجده قريبا وينتظر الشباب وجود أي مطلقة أو أرملة للزواج منها.
في البداية يقول محمد علي صبري طالب بكلية الأداب احنا بندرس في الكليات وبنكمل تعليمنا وندفع مصاريف وكتب بأسعار باهظة وفي الأخر مفيش تعيين ولا في حاجة وبعد كدة تيجي مرحلة الزواج طيب هنتزوج ازاي واحنا مش شغالين وهنصرف منين .
ويضيف محمد الباز طالب بكلية التجارة أنا في الصف الثالث بكلية التجارة وعارف اني لما أخلص مش هتعين في أي مكان لأن مفيش وظائف طبعا طيب نتجوز ازاي لذا أنا مع الشباب اللي بيضطروا يتزوجوا من أرملة أو مطلقة علشان يعرف يتجوز لأن لو مفيش وظيفة هنقدر علي تكاليف الزواج منين.
أما خالد محمد شوقي طالب بمعهد الخدمة الاجتماعية يقول احنا بندرس في المعهد وبندفع مصاريف باهظة وكل دا علشان ناخد شهادة ونعلقها في البيت ومفيش وظيفة طيب نعمل ايه نتزوج عرفي ولا نعمل حاجة تغضب ربنا يبقي أنا مع الزواج من مطلقة أو أرملة طالما مفيش وظائف.
ويشير أحمد عبدالعظيم أنه رغم صعوبة زواج الشباب حاليا الا انه من الأصعب أن يتزوج الشاب من سيدة تفوق عمره بسنين اذن عدم الزواج يكون أسهل بكثير.
أما رضا رجب حلاق فاتفق بقوة علي هذا المبدأ فقال أنا فاتح المحل ويادوب بجيب قوت اليوم بيومه فاتجوز ازاي واجيب مهر بقد كدة ولذا فأنا متفق جدا مع من يتزوجون مطلقة أو أرملة بشرط أن تكون صغيرة وجميلة.
ويضيف أ/حمزة رسلان محامي أن الموضوع بالفعل يناقش قضية خطيرة جدا ومشكلة بالفعل موجودة ونحياها يوميا الشباب بعد التخرج ما بياخدش من شهادته أكتر من إنه بيعلقها عيل الحيطة ، دا إن كان عنده حيطة من الأساس علشان يعلقها عليها ..وبعدين لو إشتغل بيشتغل في مسائل بعيدة تماما عن تخصصه وعن مجال دراسته ، يعني يبقى لسه ها يتعلم من جديد وهيبدأ من جديد .وبعد فترة لو لقى شغل مفتوح في مجال دراسته هيحاول بشتى الطرق إنه يرجع له - ده إن قدر - وإن رجع للمجال اللي فيه دراسته هنقدم إنسان جاهل لإنه تقريباً نسى كل اللي درسه وها يحاول يتعلم من جديد . - وبعدين أول كلمة بيقوله له رئيسه في العمل ...... إنسى كل اللي إتعلمته في الجامعة وشوف زميلك فلان ها يقولك إيه تنفذه وهي دي طريقة شغلنا "وبعدين يبدأ يحصل علي المرتب - ده إن إعتبرت إن اللي هياخده ده مرتب بالمعني الفني وابقي طبعا قابلني بعد مائتي سنة ان اتزوج .
ويقول أ/خالد محيي الدين أن المشكلة موجودة فعلا ولكن لا يدري من أين في الحكومة أم الأهالي أم الشباب وأنه موافق علي زواج الشباب من مطلقة أو أرمله لأنه أفضل من الحرام.
وتشير دكتورة أنه ليس عيبا ان يرتبط الشاب بمطلقة او ارملة طالما تمنى زلك او تربطة مشاعر بتلك الفتاة سواء كانت مطلقة او ارملة و لكن الغير مقبول هو ان يرتبط الشاب من اجل ان يجد من تصرف علية و تعينة و ان يصبح جوز الست .الزواج لة قواعد و اسس و لابد ان يكون مبنى على اساس مش جوازة وخلاص .
الموضوع لايستهان به وبدأ بالفعل فهل من منقذ لشبابنا؟!
تم نشر الموضوع في جريدتي الوفاق وحديث المدينة
هناك تعليق واحد:
الله المستعان
ما هو لو اتجوز هيقول بعد كدا ياريتني
إرسال تعليق